Президент Садыр Жапаровдун жардамчысынан 300 миң доллар опузалаган адам кармалды. Бул тууралуу УКМКдан билдиришти.
Маалыматка ылайык, шектүү катары Инвестицияларды коргоо агенттигинин мурдагы директору Данияр Акматов кармалган. Ал президенттин жардамчысынан, ага тиешелүү чагымчыл материалдар бар, аны массалык маалымат каражаттарына чыгарам деп коркутуп, 300 миң доллар опузалаган деп шектелүүдө.
Видеодо акчаны биткоин менен ала аларын, 12 биткоин которууга болорун айтканын көрүүгө болот. Шектүү 6-сентябрда опузалаган акчасынын бир бөлүгүн алып жатканда колго түшүрүлгөн.
Учурда УКМКнын убактылуу кармоочу жайына камакка алынды.
