Бишкекте жылаңачтанган чет элдик жолдо бараткан унааларга асылган. Бул тууралуу видео соцтармакта тарады.
Ага ылайык, окуя 1-июнга караган түнү Тоголок Молдо менен Кудрук көчөлөрүнүн кесилишинде болгон. Колуна бычак кармаган чет элдик жаран жолдо бараткан унааларды тосуп чыгып, аларга асылган. Андан буйтап качабыз деген 5 унаа жабыркаган.
Милиция аталган окуя болгонун ырастап, видеодогу адам 23 жаштагы чет өлкөнүн жараны экенин билдирди. Милиция аны тез жардам кызматына өткөрүп берип, андан кийин алар чет элдикти психикалык ооруканага жеткирген. Анын психикалык оорусу бар экени аныкталган.
Бул окуя боюнча териштирүү иштери уланууда.
