9-майда Москвада өтө турган Жеңиш парадына Казакстандын президенти Касым-Жомарт Токаев дагы катышпайт. Бул тууралуу анын басма сөз катчысы Берик Уали билдирди.
Анын айтымында, Россия тараптан тиешелүү чакыруу түшкөн жок.
«Мамлекет башчысынын басма сөз кызматына Массалык маалымат каражаттарынын өкүлдөрүнөн Касым-Жомарт Токаевдин Москвадагы Жеңиш парадына катышуусу боюнча түшүндүрмө берүү өтүнүчү келип түшөт. Россия тараптан тийиштүү чакыруу болгон жок, андыктан Москвага баруу иш сапары президенттин графигинде каралган эмес ”, — деди Берик Уали.
