Бишкек шаарынын аймагында «Соль» тобундагы синтетикалык баңгизаттарды жеткирүүнүн эл аралык каналына бөгөт коюлду.
«Соль» түрүндөгү синтетикалык баңгизат Россиядан алып келинген. Бишкекте маңзаттарды сактоо жана чет өлкөгө чыгаруу үчүн кампа уюштурган жаран кармалды.
Эки килограмм «соль» баңгизаты Россиядан тиричилик техниканын ичине жашырылып, жеткирүү кызматы аркылуу келген.
Баңгизаттардын бир бөлүгү Бишкек шаарында жана Кыргызстандын айрым аймактарында сатууга, калган бөлүгү Өзбекстанга экспорттоого арналган.
