Сүйүн Өмүрзаков Лейлек районунун абалы оор айылдарына барды. Бул тууралуу ИИМдин басма сөз кызматы билдирди.
Маалыматка ылайык, орун басар чек арадагы чыр-чатактардан улам кырдаал оор болгон Лейлек районундагы Максат, Кулунду жана Интернациональное айылдарынын тургундары менен жолуккан. Жолугушууга ыктыярдуу элдик кошуундардын мүчөлөрү, жергиликтүү бийлик органдарынын, улуттук коопсуздук кызматынын жана чек ара кызматынын өкүлдөрү катышты.
«Коомдук тартипти сактоо максатында өз ыктыры менен келген элдик кошуундун мүчөлөрү менен милиция кызматкерлеринин абалды турукташтырууда ролу жогору экендигин белгиленди жана мындан ары биргеликте тартипти орнотуу маселелери талкууланды. Учурда Баткен облусунун Лейлек районундагы абал туруктуу жана коомдук тартипти сактоо боюнча бардык аракеттер көрүлүүдө», — деп берилет маалыматта.
