Чүй облусунун Чүй айылында аялын өлтүрө сабады делип жолдошу кармалды. Бул тууралуу облустук ички иштер башкармалыгы билдирет.
Маалыматка ылайык, 26-июлда аял кишинин сөөгү табылгандыгы тууралуу маалымат келип түшкөн.
Териштирүү учурунда каза болгон жарандын өздүгү аныкталып, 63 жаштагы Т.С. аттуу аял экендиги такталып, сөөккө кароо жүргүзүү учурунда дене жаракаттары байкалган.
Аталган факты Кылмыштардын жана жоруктардын бирдиктүү реестрине Жазык кодексинин 130-беренеси (“Киши өлтүрүү”) боюнча катталып, сотко чейинки өндүрүш иштери башталган. Териштирүү учурунда каза болгон аялдын 32 жаштагы Т.А. аттуу баласы ата-энесинин үйүнө келип, сөөктү байкап, милицияга кайрылганы маалым болгон.
Ыкчам тергөө иштеринин натыйжасында кылмышка шектелип каза болгон аялдын 64 жаштагы Т.А. аттуу жолдошу кармалып, убактылуу кармоочу жайга камакка алынган.
Сотко чейинки өндүрүш иштери улантылууда.
