Бүгүн, 17-ноябрда Жогорку Кеңештин жыйынында президент Садыр Жапаров жыйында сөз сүйлөп, ал кыргыз-өзбек чек арасын тактоо боюнча мыйзам долбоорун ратификациядан өткөрүүнүн алдында түшүндүрмө берди.
«Бийликке оппозиция боло бериңиздер, бирок мамлекетке оппозиция болбоңуздар. Жөнөкөй калкыбыз мындай маселелерди кагаздарды көрбөгөндөн кийин жакшы түшүнүшпөйт. А сиздер далилдүү документтерди көрүп жатасыздар, колунуздарда турат. Сиздерди эл мамлекеттин тагдырын чечет деп шайлаган. Эч коркпоңуздар биз туура жол менен кетип бара жатабыз. Жер берип жаткан жокпуз тескерисинче мурда алдырып жиберген жерлерди алып жатабыз. Биз бүгүн эң туура чечим кабыл алып жатабыз, буга тарых баасын берет. Убактылуу жеке кызыкчылыкты четке кагып түбөлүктүү кыргызстанды ойлойлу»,-деди ал.