Президент Садыр Жапаров бүгүн, 12-ноябрда “Борбордук Азия – Кытай” форматындагы өлкөлөрдүн курулуш министрлерин кабыл алды.
Жолугушууда мамлекет башчысы форматтын саясий мааниси өсүп жатканын белгилеп, Борбордук Азия өлкөлөрү менен Кытайдын ортосундагы кызматташтыкты тереңдетүүнүн маанилүүлүгүнө токтолду.
Ал Кыргызстанда жеткиликтүү турак жай курууга багытталган “Менин үйүм” мамлекеттик программасы жигердүү ишке ашырылып жатканын айтып, курулуш тармагында тажрыйба алмашууга жана биргелешкен ири долбоорлорду ишке ашырууга кызыкдар экенин билдирди.
Өз кезегинде “Борбордук Азия – Кытай” форматынын Катчылыгынын башкы катчысы Сунь Вэйдун министрлердин экинчи жолугушуусун жогорку деңгээлде уюштургандыгы үчүн кыргыз тарапка ыраазычылык билдирди.
