Президент Садыр Жапаровдун Пекиндеги «Бир алкак, бир жол» эл аралык форумга эмнеге барбай турганын Тышкы иштер министрлигинен түшүндүрдү.
Кыргызстан форумга өлкө башчынын графигинин тардыгынан улам катыша албайт. КМШ саммити жыйынтыкталып, алдыда ЕАЭБ жана ШКУ жыйыны, Кытайдын мамлекеттик кеңешинин премьер-министри Ли Цяндын расмий иш сапары күтүлүүдө.
Кыргызстандын атынан энергетика министри Таалайбек Ибраев жана Бажы кызматынын төрагасы Самат Исабеков тематикалык форумдарга катышат. Иш-чара 17-18-октябрда Пекинде өтөт. Ага 140 мамлекеттин, 30 эл аралык уюмдун өкүлдөрү катышууда. Айрым өлкөлөрдүн президенттери да форумга катышуу үчүн барышты.
