Президент Садыр Жапаров бүгүн, 12-февралда расмий сапар менен Будапешт шаарына (Венгрия) барды. Бул тууралуу президенттин басма сөз кызматы билдирди.
Мамлекет башчысынын учагы Ференц Лист атындагы эл аралык аэропортко конду. Аэропортто килем төшөлүп, Ардак кароол тизилди. Президентти Венгриянын Президенттик Администрациясынын башчысы Геркели Эклер тосуп алды.
Расмий сапардын алкагында Мамлекет башчысы Венгриянын жогорку жетекчилиги менен эки тараптуу сүйлөшүүлөрдү өткөрөт, жана ошондой эле өлкөнүн бизнес чөйрөсүнүн өкүлдөрү менен жолугушуу жана башка расмий иш-чаралар пландалган.
Сапардын алкагында бир катар эки тараптуу документтерге кол коюу пландаштырылган.
