7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Июль 2024
Пн Вт Ср Чт Пт Сб Вс
1234567
891011121314
15161718192021
22232425262728
293031  
  • social_icon
  • social_icon
  • social_icon
  • social_icon

Садыр Жапаровдун Беларуска болгон иш сапары аяктады

278

Президент Садыр Жапаровдун 22-23-ноябрда Беларусь Республикасына болгон иш сапары аяктады.

Минск шаарында Мамлекет башчысы Беларустун Президенти Александр Лукашенко менен жолугушту.

Өлкөлөрдүн лидерлери эки тараптуу кызматташуунун актуалдуу маселелерин жана келечегин талкуулашты, ошондой эле Кыргызстан менен Беларустун ортосундагы эки өлкөнүн элдеринин кызыкчылыгында өз ара аракеттенүүнү арттырууга даяр экендиктерин билдиришти.

Иш сапардын экинчи күнүндө Мамлекет башчысы Жамааттык коопсуздук келишими Уюмунун Жамааттык Коопсуздук кеңешинин кезектеги сессиясына катышты.

Сессия Беларустун президенти Александр Лукашенконун төрагалыгы астында өттү.

Президент Садыр Жапаров тар форматтагы сүйлөгөн сөзүндө жолугушуунун күн тартибине Уюмдун мындан аркы өнүгүүсү үчүн да, тынчтыкты, эл аралык жана регионалдык коопсуздукту сактоодо ЖККУга мүчө-мамлекеттердин өз ара аракеттенүүсүн тереңдетүү үчүн да актуалдуу болгон маселелер камтылганын белгиледи.

Жамааттык Коопсуздук кеңешинин мүчөлөрү эл аралык жана регионалдык коопсуздуктун актуалдуу маселелерин талкуулап, алдыдагы милдеттерди аныкташты, ошондой эле жамааттык коопсуздуктун кызыкчылыктарын камсыз кылууга багытталган бир катар документтерди кабыл алышты.

2024-жылдын 1-январынан баштап ЖККУдагы төрагалык Казакстанга өттү.

 

279