22-майда Казакстандын Айтибий районунун Угайсын айылына жакын Самара – Шымкент автожолунда Кыргызстандын жарандарынын катышуусунда жол кырсыгы катталган.
Тышкы иштер министрлигинен билдиргендей, кырсыктын кесепетинен 1997-жылы туулган жаран каза болгон. Унаанын ичинде эки жаран болгон. Алар ооруканада дарыгерлердин көзөмөлүндө. Биринин абалы оор, экинчиси денесинен жеңил жаракат алган.
«Жабыр тарткандардын туугандарына бул трагедия тууралуу кабар берилди. Учурда Кыргызстандын Казакстандагы элчилиги тарабынан Кыргызстанга жүк 200 жөнөтүү маселеси иштелип жатат», — деп айтылат билдирүүдө.
