Санэпидемкөзөмөл “Аврора” санаторийин текшерип, айып салды. Депутат ал жактын таракан аралаган цехинин видеосун жарыялаган.
Айып пулдун суммасы так айтылган эмес. Бирок Укук бузуулар боюнча кодекстин 214-беренеси менен протокол түзүлгөн. Санитардык талаптар сакталбаганы үчүн 50 миңден 100 миң сомго чейин айып салынышы мүмкүн.
Жакында эле депутат Эрулан Көкүлов санаторийди видеого тартып, андагы башаламан абалды, кир ашкананы, чачылган бөлмөлөрдү, эмерек, буюм-тайымдарды көрсөткөн.
Эс алуу жайы президенттин иш башкармалыгына карайт.
