ИИМдин эки айлык иш-мерчемине ылайык, Жол кыймылынын коопсуздугун камсыздоо башкы башкармалыгы ардагерлер менен биргеликте коомдук транспорт жана такси кызматынын айдоочуларына түшүндүрүү, эскертүү жана жеткирүү иштерин жүргүзүштү.
«Бишкек шаарындагы батыш автобекети жабылгандыгына байланыштуу, азыркы учурда кайрдан Бишкек шаарынын Ош базарынын айланасында, Кулиев жана Павлов көчөлөрүндө, Дэн Сяопин проспектиси менен Фучик көчөлөрүнүн кесилишинде (шлагбаум), Дородой-Моторс базарында жүргүнчүлөрдү аймактарга жана Чүй облусунун жакынкы жана алыскы калктуу конуштарына башаламан негизде ташуулар жүргүзүлүп жаткандыгы байкалгандыктан, аларга автобекеттерден гана жүрү ишенимдүү экендиги жеткирилди»,— дешти ЖКККББгы.
Ошондой эле жүргүнчүлөр телеграм тайпалары аркылуу келген таксилерге отуруп, жүргүнчүнүн дарегине жеткизбей түшүрүп койгон учурлары көп кездешип жаткандыктан, автобекеттерден гана жолго чыгуу жана бекитилген жол акысы менен гана таксилерге отуруу ишенимдүү экендиги эскертилди.
