2021-жылдын 10-январына белгиленген мөөнөтүнөн мурда президенттик шайлоону уюштурууга жана өткөрүүгө мамлекеттик казынадан 137 миллион 290 миң сом талап кылынат. Бул тууралуу Боршайкомдун басма сөз кызматты билдирди.
Белгилүү болгондой, бул сумманы бекитүүдө эпидемиологиялык абалга байланыштуу эң зарыл деген керектөөлөр кирген.
“Бул акча 2 миң 475, анын ичинде чет өлкөлөрдө ачылган 45 участкалык шайлоо комиссиясынын ишин уюштурууга, биометрикалык жабдыктарды, компьютердик техниканы, автоматтык урналарды, бюллетендерди жана санитардык-эпидемиологиялык коопсуздук каражаттарын жеткирүү үчүн транспорттук чыгымдарга жумшалат», — деп айтылат маалыматта.
Мөөнөтүнөн мурда өткөрүлө турчу президенттик шайлоо 10-январга белгиленген.