Бүгүн күндө чет өлкөлөрдө 100 шайлоо тилкеси ачылды. Бул тууралуу брифингде Консулдук департаменттин директорунун орун басары Алмаз Байбосов билдирди.
Анын айтымында, шайлоо тилкелери 34 өлкөдө жана 89 шаарда ачылды.
«Мурдагы шайлоолордо 59 шайлоо тилкеси ачылган, азыркы шайлоодо 41 шайлоо тилкесине көп ачылды. Бул рекорддук сан. Мамлекет чет өлкөлөрдөгү жарандардын шайлоого катышуу укуктарын камсыз кылуу үчүн бардык аракеттерди көрүп жатат», — деди ал.
Байбосов Кыргызстандын жарандары эң көп болгон Россияда 40 шайлоо тилкеси, анын ичинде Москва шаарында — 7, Екатеринбург, Новосибирск, Красноярск сыяктуу башка ири шаарларда экиден шайлоо тилкеси ачылганын белгиледи.
«Ошондой эле Түркияда 8, Казакстанда 7, АКШда 6, Кореяда 4, Италияда 3 шайлоо тилкеси ачылды. Германия, Кытай, Сауд Арвия жана Бириккен Араб Эмираттарында 2ден, калган өлкөлөрдө бирден шайлоо тилкелери ачылды», — деди ал.
Байбосов бүгүнкү күнгө карата чет өлкөлөрдөгү дипломатиялык өкүлчүлүктөр тилкелерде шайлоо комиссиясынын мүчөлөрүн бекитүү боюнча иштер жүргүзүлүп жатканын кошумчалады.
