Бүгүн, 10-сентябрда Бишкектеги Ленин району боюнча шайлоо болуп өттү.
Жогорку Кеңештин депутаттыгына шайлоодо Кубанычбек Самаков жеңип чыкты. Бул автоматтык эсептөөчү урналарынан алынган маалымат. (добуштардын 100 пайызы эсептелди).
Ушу тапта 51 участоктун баарынан АСУ маалыматтары келип түштү. Ленин району боюнча 127 239 шайлоочунун 20 169у добуш берген.
Тизменин алдыңкы үч сабы төмөнкүдөй:
1.Кубанычбек Самаков — 5 273 (26,14%);
2.Русланбек Тагаев — 3 831 (18,99%);
3.Аскар Алмаз уулу — 2 630 (13,04%).
