Бүгүн, 3-ноябрдагы Жогорку Кеңештин жыйынында депутат Шайлообек Атазов кошумча жолдорду салуу керектигин жана айрым конуштарда транспорт жетишпей окуучулар көчөдө калып жатканын айтып, бул маселе жөнгө салынышы керектигин белгиледи.
«Жолдордо пробка болуп 2-3 саатка чейин созулуп кетип жатат. Бишкек шаарындагы жолдордун сапаты жана кошумча жолдорду ачуу боюнча иш алып барылышы керек. Экинчи маселе, Свердлов районундагы конуштарда транспорт жетишсиз болуп, мектеп окуучулар көчөдө көп туруп калып жатышат. Кыш келип калды, ден-соолуктарына зыян эмеспи. Транспорт тармагынын ишин жөнгө салуу керек»,-деди депутат Атазов.