Бүгүн, 22-ноябрдагы жыйында Жогорку Кеңештин төрагасы Нурланбек Шакиев кыз-келиндердин коопсуздугу боюнча пикирин айтып, бул маселеге чара көрүү керектигин билдирди.
“Акыркы учурда коомдо аялзатына болгон зордук-зомбулук жана бир топ маселе жаралып, коомчулукта тынчсыздануу болуп жатат. Мен ИИМдин башчысына да айттым. Ушул терс көрүнүштөрдү жоюу максатында иш-чараларды жүргүзүп, коомдук жайларла видео көзөмөлдү күчөтүү керек. Себеби, биздин кыз-келиндерибиз үчүн түнкүсүн эмес, күндүз жүрүү да коркунучтуу болуп жатат. Бул жаатта милиция иштөөдө. Ымыркайын таштаган 3 эне тең табылды. Бул өтө кейиштүү жагдай. Милиция ишти күчөтүшү керек”, — деди Нурланбек Шакиев.
