Өлкөнүн тоолуу райондоруна кар көчкү түшүүсү жана кар күрткүсү күтүлөт. Бул тууралуу ӨКМдин басма сөз кызматынан билдиришти.
Маалыматка ылайык, 5-ноябрдан 7-ноябрга чейин жаап өткөн жана күтүлүп жаткан жаан-чачынга байланыштуу, Кыргызстандын тоолуу райондорунда, Каракол – Эңилчек унаа жолунун 74-90-чакырымдарындагы Чоң-Ашуу ашуусунда, кар көчкү түшүүcү жана кар күрткүсү болушу мүмкүн.
ӨКМ жолдор тайгак болуп, муз тоңорун, унаалардын ортосундагы 500 метр аралык кыймыл чектелиши зарылдыгын эскертет!
— Унааңыздын дөңгөлөгүн кышкыга алмаштырыңыз;
— Алыскы жолго чыксаңыз, дары-дармек, суу, тамак-аш, күрөк жана дөңгөлөк чынжырчасын унутпаңыз;
— Унаалардын ортосундагы аралыкты (500 метрге чейин) сактаңыз;
— Зарылчылык болбосо, алыскы жолго чыкпай туруңуз;
— Кырсык болгондо күнү-түнү иштөөчү 112 номерине чалыңыз (чалуу акысыз).
