Милиция кызматкерлеринин кызмат абалын кыянаттык менен пайдалануу фактысы боюнча кылмыш иши козголду. Ички иштер министрлиги алар «Бийликтен аша чабуу» беренеси боюнча айыпталып жатканын билдирди.
Октябрь райондук ички иштер бөлүмүнүн оперативдүү кызматкерлери Т. у. И. жана У. А. У. шектүү катары убактылуу кармоочу жайга киргизилген. Буга чейин Э. уулу Э. аттуу жаран аны кармоо учурунда сабаган милиционерлердин үстүнөн арыз жазган. Министрлик тартип сакчыларга карата кызматтык иликтөө жүрүп жатканын маалымдаган.
