Токмок шаарында адвокат 15 миң доллар пара талап кылууга шектелип кармалды. Бул тууралуу УКМК билдирди.
Маалыматка караганда, 37 жаштагы Ц.Д. атууу жаран башка адамдардын жардамы менен шаарда ар кандай имараттарды жана объектилерди куруп жаткан ишкерлерге кысым көрсөтүп келген. Ал ИИМ, прокуратура, УКМК, экологиялык кызматтар жана мэрия тарабынан текшерүүлөр болот деп коркутуп, соцтармактарда жалган маалымат таратабыз деп акча талап кылган.
Шектүү 15-майда 15 миң доллар алып жаткан жеринен кармалган. Бул факт боюнча «Опузалап акча талап кылуу» беренеси менен кылмыш иши козголуп, жактоочу убактылуу кармоочу жайга киргизилди.
