2025-жылдын алгачкы беш айында КЭРдин Синьцзян-Уйгур автономдук районунун Борбор Азиянын беш өлкөсү менен болгон товар айланышы 100 млрд юандан (14 млрд АКШ долларынан ашык) жогорулап, Кытайдын бул мамлекеттер менен жалпы импорт-экспортунун 39,4% ын түздү.
Синьцзян менен Борбор Азиянын экономикалык жана соода байланыштары тынымсыз тереңдеп, эки тараптуу сооданын көлөмү туруктуу өсүүдө.
Кытай–Казакстан чек арасындагы Хоргос көзөмөл-өткөрмө пункту аркылуу айыл чарба продукциясынын импорту кыйла көбөйдү. Эң тез өсүштү Казакстан, Өзбекстан жана Кыргызстандан келген жеткирүүлөр көрсөтүүдө. Импорттогу товарлардын арасында дан азыктары, зыгыр уругу, кургак жемиштер, өсүмдүк майы жана бал бар.
Экспорттун көлөмү жана түрдүүлүгү да тынымсыз кеңейүүдө. Үрүмчү бажысынын маалыматына ылайык, СУАР быйылкы жылдын алгачкы жети айында Борбор Азия өлкөлөрүнө 5,49 млрд юандын (≈771,6 млн АКШ доллары) айыл чарба продукциясын экспорттоп, бул өткөн жылга салыштырмалуу 89,8% га көп. Ассортиментке жүзүм, дарбыз, болгар калемпири жана башка товарлар кирет.
