Сокулукта өспүрүм кызга ыдык көрсөтүүгө шектелген жаран кармалды. Бул тууралуу Чүй ОИИБден билдиришти.
Ушул жылдын 6-февралында Т.Н. аттуу жаран милицияга арыз менен кайрылган. Анда 2022-жылдын декабрь айынан бери кошунасы жашы жете элек кызына ыдык көрсөтүп жүргөнүн билдирип, чара көрүүнү өтүнгөн.
Аталган факты боюнча кылмыш ишин козголгон. Жүргүзүлгөн экспертизанын жыйынтыгы менен 25-апрелде кылмышка шектелип 43 жаштагы А.М. аттуу жаран кармалып, убактылуу кармоочу жайга киргизилген.
Ага карата Кылмыш-жаза кодексинин 158-беренесинде (ыплас аракеттер) көрсөтүлгөн кылмыш курамы менен айыбы угузулуп, Сокулук райондук соту тарабынан камакка алуу түрүндө бөгөт коюу чарасы тандалды.
Тергөөнүн жыйынтыгы менен кылмыш иши соттун кароосуна жөнөтүлдү.
