Бүгүн эртең менен Төө-Ашуудагы Сосновка постунда оор жүк ташуучу унааларга карата киргизилген убактылуу чектөө алынды. Бул тууралуу Транспорт жана коммуникациялар министрлигинен билдиришти.
Ведомстводон маалымдашкандай, Бишкек — Ош унаа жолундагы Арал постундагы чектөө азырынча күчүндө. “Кыргызавтожол-Түштүк” жана «Кыргызавтожол-Түндүк” мамлекеттик ишканалары жолдордо инерттик материалдарды чачуу, тазалоо иштерин үзгүлтүксүз улантууда.
Мекеме кандай кырдаал жаралбасын айдоочуларды каршы тилкеге чыкпай, жол эрежесин так сактоо менен жанына керектүү шаймандарды ала жүрүүгө чакырууда.
