Кыргызстандын мурдакы президенти Алмазбек Атамбаевге карата козголгон үч кылмыш иши бириктирилип, сотко чейинки бир өндүрүш катары каралат. Мындай чечим бүгүн, 25-ноябрда Бишкек шаарынын Биринчи май райондук сотунун судьясы Азирет Медеров тарабынан кабыл алынды.
Бирок судья эмне үчүн мындай чечим кабыл алганын түшүндүргөн эмес. Ал эми айыпталып жаткандар буга каршы экенин айтууда.
Алмазбек Атамбаевдин кеңешчиси Кундуз Жолдубаева билдиргендей, Кой-Таш окуясы, Кой-Таш айылындагы жерлер боюнча коррупциялык иштер жана мыйзамсыз кирешелерди адалдаштыруу иштери бириктирилди.
Жолдубаева кошумчалагандай, отурумга айыпталуучулар Алмазбек Атамбаев, Албек Ибраимов жана Рыспек Карыпбек уулу келбегендиктен, процесс 27-ноябрга жылдырылды.