Ош облусунун Ноокат райондук сотунун тергөө судьясы чет мамлекеттин жараны экендиги аныкталды. Бул тууралуу УКМКдан билдиришти.
Маалыматка караганда, 2016-жылы аталган Б.Н.М. аттуу жаран президенттин жарлыгы менен Кыргызстандын жарандыгын алган жана 2021-жылдын 26-июнунда президенттин жарлыгы менен Чүй облусунун Москва райондук сотунун судьясы болуп дайындалган. Андан соң 2022-жылдын 30-апрелинде ротация тартибинде Ош облусунун Ноокат райондук сотунун тергөө судьясынын кызматына которулган.
Ошону менен бирге, белгиленген процессуалдык тартипте УКМК тарабынан тастыкталып, КР судьялыгына талапкер катары тандоо процессинде ал чет мамлекеттин жарандыгы бар экенин жашырган.
Ошентип, КР мыйзамдарына ылайык, аталган жаран судьялык кызматты ээлей албайт жана ээлебеши керек, анткени ал Кыргызстандын жарандыгынан тышкары чет мамлекеттин жарандыгына ээ.
Ушул жылдын 29-августунда прокуратура тарабынан КР Судьялар кеңешине Ош облусунун Ноокат районунун тергөө судьясы ал жаранга карата дисциплинардык иш козгоо жөнүндө өтүнүч келтирилген.
