Бүгүн, 29-декабрда UFC уюмунун чемпиону Валентина Шевченко Маданият, маалымат, спорт жана жаштар саясаты министрлигине келди. Бул тууралуу аталган министрликтен билдиришти.
Маалыматка ылайык, жолугушуунун алкагында Валентина Шевченкого арналып тигилген чапанды “Кийиз дүйнө” коомдук фондусунун, салттуу билимдерди аркалап жүргөн зингер саймачы Толсун Көкөева кийгизип, «Спорттун отличниги» төш белгисин тапшырды.
Мушкер айымды маданият министри Азамат Жаманкулов тосуп алып, Кыргызстанга келиши менен куттуктады.
Спортчу айым менен эл сыймыктана тургандыгына токтолуп, жалпы кыргызстандыктар Шевченконун ар бир таймашын чыдамсыздык менен күтүп, колдоп жүргөн мекендештери бар экенинин белгиледи.
Белгилей кетсек, министр менен жолугушууга Валентинанын апасы жана машыктыруучусу да катышты.
