Ноябрь айынан тарта «Спутник V» вакцинасы менен коронавируска каршы эмделгендер АКШга кире албайт. Бул тууралуу чет элдик басылмалар жазып чыгышты.
Маалыматка ылайык, бул вакцинаны Дүйнөлүк саламаттык сактоо уюму жана америкалык бийлик тастыктаган эмес.
Буга чейин ДСУ «Орусиянын вакцинасын чыгарган фабрикалардын биринде өндүрүштүк иштер тийиштүү талапты аткарбай жатканын» жарыялаган.
Эскерте кетсек, «Спутник V» вакцинасы дүйнөнүн төрт миллиарддай адам жашаган 70 өлкөсүндө тастыкталып, 448 миллион дозасы чет өлкөгө сатылганы маалымдалган.