“Кыргыз Республикасынын Эл жазуучусу Султан Раев 1-Исмаил Гаспринский атындагы эл аралык адабий сыйлыкка татыктуу болду. Бул тууралуу 24 кж маалымат агенттиги жазды.
Сыйлык тапшыруу аземи 6-ноябрдан 9-ноябрга чейин Түркиянын Алания шаарында өткөн 5-Глобалдык медиа форумдун алкагында өттү”-, деп жазылат маалыматта.
Форумду Журналисттердин глобалдык кеңеши уюштурган. Иш-чарага 41 өлкөдөн 310дон ашык медиа өкүлдөрү катышты.
Сыйлык тапшыруу аземинде өз тармагына зор салым кошкон журналисттер, дипломаттар, академиктер, маданият жана искусство ишмерлери бааланды.
Үстүбүздөгү жылы түзүлгөн Исмаил Гаспринский атындагы сыйлык түрк дүйнөсүндөгү маданий байланыштарды чыңдоо идеалдарын сактап калуу максатын көздөйт.
