Чүй облусунун Жайыл районундагы Бишкек-Ош унаа жолунун 145-чакырымында (Суусамыр өрөөнү) Toyota Estima менен Toyota Camry үлгүлөрүндөгү унаалардын катышуусунда жол кырсыгы катталган. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кырсыктын кесепетинен жеринде 2 эркек адам каза болуп, 10 адам жабыркаган — 5 эркек, 4 аял жана 1 кичинекей кыз (аты-жөндөрү такталууда).
Жерине ӨКМден 5 куткаруучу тартылып, каза болгон адамдардын сөөгүн унаадан чыгарып, милиция кызматкерлерине өткөрүп беришкен. Ал эми жабыркаган адамдар унаадан чыгарылып, тез жардам кызматы жана жолдо бараткан унаалар аркылуу Кара-Балта шаардык ооруканасына жеткирилген.
