Сузакта Камчыбек Ташиевдин катышуусунда 420 орундуу жаңы мектеп ачылды. Бул тууралуу президенттин Жалал-Абаддагы өкүлчүлүгүнүн басма сөз кызматы билдирди.
Маалыматка ылайык, бүгүн, 5-октябрь күнү, Жалал-Абад облусунун Сузак районунун Барпы айылындагы №34 «Комсомол» орто мектебинин ачылышы болуп өткөн.
Аталган мектеп 420 орундуу болуп, бардык заманбап шарттар менен камсыздалган. Мекеменин курулушуна республикалык бюджеттен 49 млн. 500 миң сом акча каражаты сарпталган.
Саамалыкта облус башчысы жалпы айыл тургундарын жаңы мектептин ачылышы менен куттуктады. Жергиликтүүлөрдө билим берүү мекемесине болгон муктаждык жоюлганын айтып, бул өсүп келе жаткан жаш муундардын мыкты билим алуусуна көрүлгөн камылга экенин белгиледи.
