Сузакта «түнкү өспүрүм» аталышындагы рейд өткөрүлдү. Бул тууралуу облустук милициядан билдиришти.
Маалыматка ылайык, аталган иш-чаранын жүрүшүндө Сузак РИИБдин кызматкерлери тарабынан 76 жаш өспүрүм ата-энеси же аларды алмаштырган мыйзамдуу өкүлдөрү жок жүргөн жеринен аныкталып, Сузак райондук мамлекеттик администрациянын алдында уюшулган жашы жете элек өспүрүмдөр менен иштөө комиссиясынын кароосуна 63 материал жиберилди. Андан сырткары 34 бузуулар боюнча протокол толтурулду.