Маданият министрлиги жалпы өнөр адамдарына кайрылып, аларды телефон шылуундарынан сак болууга чакырды.
Министрликтин атын жамынып, ар кандай шылтоо менен акча алуу аракетин көргөн алдамчылар пайда болду. Телефон шылуундары Маданият министрлигинен чалып жатабыз дешүүдө. Айрыкча министрликтин жетекчилеринин атын атап, “жардам керек”, “сыйлык алып берем”, “акча которуңуз”,- деген сындуу ар кандай шылтоолор менен акча табуу аракетин көрүшүүдө.
Министрлик эч кимге ишенбей, жеке маалыматтарды бербей сак болууга чакырды.
