Ак-Ордо жаңы конушунда турак үй толугу менен күйүп кетти. Бул тууралуу ӨКМнин басма сөз кызматы билдирди.
Маалыматка ылайык, өрт кырсыгы Сокулук районунун Ак-Ордо 3 жаңы конушундагы Кашка-Суу көчөсүндө жайгашкан турак үйдөн чыккан.
«Жалпы аянты 100ч.м түзөт. Өрттүн келип чыгуу себеби такталууда, жабыркагандар жок. Жеринде Бишкек шаардык №6 ӨККБнөн 1 бөлүм жана Бишкек шаардык №8 ӨККБнүн камаз унаасы иш алып барган. Саат 05:39да өрттү чектөөгө алышып, саат 07:00до толук өчүрүшкөн», — деп берилет маалыматта.
