Ысык-Көл облусунун Түп районундагы Фрунзе айылында сентябрда жаңы мектеп ачылат. Бул тууралуу Курулуш, архитектура жана турак жай-коммуналдык чарба министрлиги билдирди.
Маалыматка ылайык, жаңы мектеп 225 орунга ылайыкталган. Объекттин курулушу 2024-жылдын ноябрь айында башталган. Бүгүнкү күндө курулуш иштери толугу менен аяктады.
Мектептин курулушуна республикалык бюджеттен 124 млн сом бөлүнгөн.
Долбоор боюнча мектепте негизги окуу класстары, лаборатория, китепкана, ашкана, дарыгердин бөлмөсү, эмгек сабактары үчүн класстар, компьютердик класс, жыйындар залы жана спорт залы бар.
