Ысык-Көл облусунун Түп райондук прокуратурасы тарабынан мыйзамсыз жеке менчикке өтүп кеткен жана мыйзамсыз ээлеп алып пайдаланып келишкен жер аянттарын мамлекетке кайтаруу иш аракеттери жүргүзүлүүдө. Бул тууралуу Башкы прокуратурадан билдиришти.
Текшерүүдө райондук мамлекеттик администрациясынын токтому менен 4 дыйкан чарбасына жалпы 61,4 гектар айдоо жер аянттары мыйзамсыз берилип кеткендиги аныкталган.
Айдоо аянттарын мамлекетке кайтаруу үчүн райондук прокуратура сотко доо арыздар менен кайрылып, кароонун жыйынтыгы менен алар толук менен канааттандырылган. Натыйжада, баасы 20 миллион 575 миӊ сомду түзгөн 61.4 гектар жер аянты мамлекетке кайтарылды.
