Түрк бийлиги үйлөрү жабыркаган жарандарга 10 миң лирадан төлөп баштады.
Эскерте кетсек, кечээ, 16-февралда жергиликтүү убакыт боюнча саат 22:47де Хатай облусунда күчү 5 баллга жеткен жер титирөө катталган. Жер титирөөнүн очогу 19 км тереңдикте болгон. Эпицентри Антакья шаарынан 29 км аралыкта жайгашкан. Буга чейин 6-февралдагы жер титирөөлөрдөн жабыркаган бир нече имарат урап түшкөн.
Бүгүнкү маалыматка таянсак, Түркияда зилзаладан каза болгондордун саны 38 миң 44 адамга жетип, 108 миң 68 адам жарадар болду.
