Түркияда тик учак кырсыгынан каза тапкан эки жарандын сөөгү Кыргызстанга жеткирилди. Бул тууралуу Тышкы иштер министрлигинин басма сөз кызматынан билдиришти.
«2023-жылдын 20-сентябрында каза болгондордун сөөгү Кыргызстанга жеткирилип, туугандарына өткөрүлүп берилди», — деп берилет маалыматта.
Эскерте кетсек,Түркиянын Мендерес аймагында (Измирге жакын жергесинде) токой өртүн өчүрүүгө катышкан тик учак кырсыкка учурап, Тахтали дамбасына кулап түшкөн. Кырсык 16-сентябрда жергиликтүү убакыт боюнча саат 23:53тө катталган.
Түркиянын Айыл жана токой чарба министрлигинин маалыматы боюнча, тик учактын ичинде төрт экипаж болгон, алардын үчөө Кыргызстандын жараны. Алардын экөө каза болуп, бирөө ооруканага түшкөн.
