Соңку маалыматтарга караганда Түркияда жер титирөөдөн каза болгондордун саны 12 миң 391 адамга жетти. Бул тууралуу РИА новости Өзгөчө кырдаалдар башкармалыгына таянып кабарлады.
Маалыматка ылайык, жер титирөөдөн жапа чеккендердин саны 63 миңге жеткен.
Эске салсак, 6-февралда таңга маал Кахраманмараш провинциясында күчү 7,7 баллга жеткен жер титирөө болду. Түркиянын президенти Эрдоган белгилегендей, 1939-жылдан берки бул эң күчтүү жер титирөө болуп саналат.
Өлкөдө жети күндүк аза күтүү жарыяланып, кырсыктан жапа чеккен он провинцияда үч айга чукул кырдаал жарыяланды.
