Москва районуна караштуу Төрт-Гүл айыл аймагынын дыйкандары быйылкы жылдын сабиз жыйноо кампаниясында жогорку көрсөткүчкө жетишип, рекорд коюшту. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, 2025-жылы сабиздин орточо түшүмдүүлүгү гектарынан 73 тоннаны түзүп, айрым аянттарда 91 тоннага чейин жетти. Бул өткөн жылдарга салыштырмалуу эң жогорку көрсөткүч болуп эсептелет.
Жыйналган түшүм ички рынокко жана кайра иштетүүчү ишканаларга жөнөтүлүүдө. Калган бөлүгү коңшу мамлекеттерге экспортко чыгаруу пландалууда.
