Бишкек шаардык мэриясынын муниципалдык инспекциясы мончо жана сауналарда тыюу салынган материалдардын өрттөлүшү боюнча текшерүү иштерин баштады. Бул тууралуу аталган башкармалыктын басма сөз кызматы билдирди.
Маалым болгондой, Садыгалиева көчөсүндө жайгашкан мончо шаар тургундарынын арызынын негизинде текшерүүгө алынган. Текшерүүдө катуу отун гана жагылып жатканын аныкташкан.
Андан сырткары, шаар тургунунун арызынын негизинде “Нижний Ала-Арча” айылындагы Чагай көчөсүндө жайгашкан жеке турак жай текшерилди. Экологиялык эрежелерди бузуу жана тыюу салынган буюмдарды өрттөө фактылары табылган жок.
