Кыргызстанда энергодефицит болбойт. Болгону үнөмдөгүлө деп жатабыз. Бул тууралуу Энергетика министри Таалайбек Ибраев фейсбуктагы баракчасына билдирди.
«Жылдагыдай эле кошуна өлкөлөрдөн кышкысын 3 сомдон импорт алып келип, элге 1 сом 37 тыйындан берип атабыз. Ортодогу айырма кайра эле НЭСКтин моюнуна карыз болуп үйүлүп жатат. Ошондуктан Президентибиз “Импортту болушунча азайткыла, энергияны үнөмдөп колдонгула, эмдиги жылы калган 25 миллиард сом карыздан кутулгула” деп тапшырма койгон. Эмдиги жылы карыздан толук кутулабыз. Кирешеге чыга баштайбыз. 2028-2029-жылдары кышта импорт албай калабыз деп пландап жатабыз»,- дейт Ибраев.
