Табылды Актановдун 75 жылдык мааракесине арналган автордук чоң концерти болуп өттү. Бул тууралуу Маданият министрлиги билдирет.
Маалыматка ылайык, 13-ноябрда Кыргыз улуттук “Манас” театрында кыргыз эл артисти, актёр, төкмө акын, дастанчы жана улуу манасчы Табылды Актановдун 75 жылдык мааракесине арналган “Атаганат десеңчи, оо, чиркин дүйнө ай!…” аттуу автордук чоң концерт өттү.
Концертте Табылды Актановдун шакирттери жана сахналаш достору сахнанын көркү болушту. Алар сахнада устатынын чыгармаларын, обондорун аткарышып, көрөрмандарга өзгөчө маанай тартуулашты.
