Костанай облусунда 65 жаштагы киши жыгылып, башы музга тийип каза болду. Бул тууралуу маалыматты облустук милициядан тастыкташып Qostanay.tv. билдиргенин Спутник Казакстан жазып чыкты.
Маалыматка ылайык, окуя Костанай облусунун Сарыкөл районунда болгон.
Милициянын маалыматы боюнча, башынан жаракат алган 65 жаштагы киши райондук ооруканага жеткирилип, кийин ал каза болгон.
«Тергөө көрсөткөндөй, пенсионер ошол күнү мас болгон. Күбөлөрдүн айтымында, маркум муз тоңгон жолдо бара жатып тайгаланып жыгылган. Экспертизадан өткөндөн кийин жаракат алганы билинди»,- деп берилет маалыматта.
