Тайвандын түштүгүндөгү Дулиу шаарында крокодилдин этинен тамак жасалды. Бул тууралуу чет элдик басылмалар жазып чыгышты.
Witch Cat Kwai ресторанында жасалган бул тамакты «Годзилла рамён» деп атап коюшкан. Тамак бөдөнөнүн жумурткасынан, чочконун эти, жүгөрү, кургатылган бамбук, козу карын жана крокодилдин бутунан жасалат дагы, 40 түрдүү татымдар кошулат.
Крокодилдин буттарын алуу жана тамакты даярдоо кыйын болгондуктан, күнүнө эки гана «Годзилла рамён» сатылат жана баасы бир табак үчүн $1500 тайвань доллар. (50 доллардын тегереги).
Алгач, крокодилдин буту тазалангандан кийин спирт жана татымалдардын аралашмасы менен сүртүлөт. Андан соң ашпозчулар эки сааттай кайнатышып, жалпысынан тамак даярдоо үч саатка созулат. Андан, соң тамшанып жеген тамакка айланат.
