Көк бөрү федерациясынын президенти Талас Бегалиев элге кайрылуу жасап, башаламандык уюштурган жарандардын баарын жазалоону суранды.
“Оюндан кийинки окуя — бул спортту түшүнбөгөн, чет жакты көрбөгөн, маданияты пас күйөрмандардын кылган иши. Бул жерде оюнчулардын күнөөсү жок. Баарыңарды сабырдуулукка чакырып кетем. Күч органдарынан сурап жана талап кылып кетебиз, бейбаштыкка тиешеси бар адамдардын баарын карап, мыйзам чегинде чара көргүлө. Анткени алар кыргыз элинин маданиятына көө шыбашты. Федерация бул боюнча чечим чыгарат. Кыргыз элим Көк бөрү оюнун билесиңер кандай кан кайнаткан оюн экендигин. Бизде баары жакшы. Эки команда чай ичип, сүйлөшүп отурушат. Баарыңыздардан сабырдуулукту суранып кетебиз”,- деди ал.
