Талас облусунда жалпы аянты 16,5 га жер тилке (Балык чарба) арзан баада мыйзамсыз сатылгандыгы аныкталды. Бул тууралуу УКМКдан билдиришти.
11-февралда Талас балык чарба мамлекеттик ишканасына тийиштүү, Талас облусунун Бакай-Ата районундагы Күмүштак айыл өкмөтүнө караштуу Боо-Терек айылында жайгашкан жалпы аянты 16,5 га №1 сандуу көлмө соттун чечими менен аукцион аркылуу мыйзамсыз сатылганы аныкталып, аукционду уюштуруу жана көлмөну сатуу иштерине шектүү катары, УКМКнын Талас облусу боюнча Башкармалыгы тарабынан төмөндөгү мамлекеттик кызматкерлер аныкталып кармалышты.
— 1974-жылы туулган Ш.А.Ж. — (Бакай-Ата райондук сот аткаруучу);
— 1962-жылы туулган Ж.Б.Н. — (Бакай-Ата райондук салык башчы);
— 1969-жылы туулган Ч.М.А. — (көлмөнү мыйзамсыз сатып алган ЖИ).
Иликтөө иштерин жөнгө салуу максатында, жогорудагы адамдар Талас облустук ИИМ убактылуу кармоо жайына 1 айга камакка алынышты. Тактап айтканда, алар өз кызыкчылыктары үчүн аталган көлмөнү 874 500 сомго арзан баалап, мыйзамсыз сатып жиберишкен.
