Талас районунун Каракол айылынын 59 жаштагы тургуну 13 жаштагы кызды зордуктоого шектелип жатат. Бул тууралуу «Turmush» басылмасына айылдаштары билдиришкен.
Бул тууралуу, Талас ОИИБинин басма сөз кызматы окуя жайында, июнь айынын этегинде катталганын тастыктады.
Талас районунун Кум-Арык айылында интернатта (акыл-эсинин өрчүшү артта калган балдардын интернаты) окуган кызды зордуктоого 59 жаштагы кошунасы шектелген. Ал киши кызды колунан жетелеп, үйүнө алып кирип бара жатканын көргөн кошуналары кыздын жакындарына анан милицияга маалымдаган. Сотко чейинки териштирүүдө күбөлөр окуянын үстүнөн чыкканын айтышкан. Шектүү көп жыл мурун үй-бүлөсү менен ажырашканы маалым болгон.
Учурда бул иш соттун кароосунда турат. Талас облустук сотунун басма сөз кызматы шектүүгө карата Жазык кодексинин 161-беренесинин 4-бөлүгү (зордуктоо) менен иш козголуп, соттук кароодо экендигин айтты.
Буга чейин 2 ирет соттук олтурум болуп, шарттуу себептерден улам жылып кеткен.
