Талас облусунда бензин жана дизелдик фракцияны кошумча иштетүүчү өнөр жай комплексин куруу пландалууда. Бул боюнча бүгүн, 11-сентябрда «Манас Ордо» улуттук комплексинде меморандумга кол коюлду.
Документке президент Садыр Жапаровдун катышуусунда Экономика жана коммерция министри Бакыт Сыдыков менен казакстандык «QAZAQ BITUM Processing» компаниясынын директору Ержан Бейсебаев кол койду.
Долбоордун болжолдуу инвестиция көлөмү 350 млн долларды түзөт. Комплексте бензин жана дизелдик фракцияны кайра иштетүү менен катар полимер-модификацияланган битум өндүрүү пландалууда.
Долбоор ички өндүрүштү кеңейтүүгө, импортту азайтууга жана Таластын өнөр жай потенциалын жогорулатууга багытталган.
